آآآه يـــاهــــوى

اممم السلام عليكم ... اليوم بنقل لكم روايه هي بنت خالتي كاتبتها انا ماقريتها بس قلت بنزلها ف اهني و انتو عطوني رايكم ... اهي توها ف الجزء الأول يعني بعدها يالسة تكتب ف اليوم بنزل اول جزء و الجزء الثاني ان شاء الله لمن تكمل منه ... و الروايه للكاتبه بنت الصقر ... اخليكم مع الروايه

نبدة بسيطة
بومحمد(حمد).....ام محمد(حميده)
محمد الاخو العود عمره 30 سنه
دانه بعد محمد عمرها 25 سنه
ريم عمرها 20 سنه
امل عمرها 18 سنه
لولوة الي اهيه بنت اخت ام محمد لان امها وابوها توفو في حادث من سنتين عمرها 18 واهيه وامل شلون اقولكم صديقات واكثر

العمه((سارة))
عايشه في لندن زوجها توفى من 5 سنوات بيطلع دورها بعدين الله رزقها ببنت وولد
نور الاخت العوده عمرها 27 سنه
يوسف عمره 22 سنه
عيسى عمره 20 سنه
ـــــــــــــــــــــــ

مشعل عمره 20 وعنده اخت اسمها مروة متزوجه واهيه عايشة في امريكا

ــــــــــــــــــــــــــــــ

والبقايا بتعرفونهم في القصه

البداية

في المطار عايلة بو محمد ادور حجز حق ام محمد عشان تروح كندا مع لولوة
ام محمد:لاحول ولا قوة الا بالله حشى مافيه حجوزات
محمد:مو مشكله يمه لحقيها بعدين ....
ابو محمد:واهوة الصاج (الصادق) خليها تروح واحنا نجوف لج حجز باجر او الي عقبه ...ولا تخافين باوصي عليها ناس هناك.
ام محمد:اف يعني لازم تروح اليوم خل تنتظرني.
دانه:يمه مايصير يلا امشو خل نودع البنيه قبل لايسكر الكونتر
ويسلمون على لولوة ....
ريم:يلا لولووه بتجوفين كندا.
لولوة:اي والله ......صح وين امل؟؟؟؟
دانه:راقده ...رقد عليها يني(جني)لين وصلنا البيت بقولها تتصل فيج
لولوة:زين ...يلا عن اذنكم.
وتدش لولوة غرفه الانتظار

ـــــــــــــــــ
في البيت
وصلو البيت وكل واحد راح غرفته يرتاح وتقوم امل تدور على لولوة بس ماتلاقيها وتدش حجرة دانه:
امل:وين لولوة؟؟
دانه:بسم الله الرحمن الرحيم .. من وين طلعتي انتي؟؟ وبعدين ليش ماتقطين الباب يمكن قاعده ابدل هاااا؟؟؟
امل:خلج من الحنه وين لولوة ؟؟
دانه:يالقوطي اليوم رحلتها حق كندا.
امل :ويييييييي صح نسيت ... انزين طرشي لي رصيد ابي اتصل فيها
دانه :اوف منج زين زين ... مادري وين تودين رصيدج .
امل:يلا بلا حنه لاتطير الطيارة ومااكلمها بعدين اصيح اهئ اهئ اهئ (تمثل)
دانه :اقول يلا تمثيل وطلعي برع ابي انام .
امل:والرصيد.
دانه:تدرين انج حنانه طرشتلج يلا ذلفي.
ـــــــــــــــــــــ
نرجع حق لولوة
كان يم لولوة قاعد شاب وسيم ويناظر عيون عيونها العسليه بإعجاب وكان يموت ويعرف شنو اسمها واهيه بعد معجبه فيه وتناظر شعرهالاشقر وعيونه الخضر (حشى مهند) وكل واحد يتأمل في الثاني ويحلم يكون مع الثاني وقطع عليهم صوت تلفون لولوة والمتصل توأم روحي(امل) ...
لولوة بهمس:اوهو ماودعت هالهبله الحين بتبط اذني .
لولوة:الو ... هلا اموله .
امل واهيه تصارخ من قمه راسها: لولوووووه يالحمارة يالخايسه يالنذله يالحقيرة ليش ماتقوميني عشان ايي معاج المطار واودعج؟؟
لولوة بفشيله: امووووووووووول يالحمارة فشلتيني انا حاطته سبيكر وحسابي معاج بعدين .
امل:سوري ..... يالهبله احد يحط سبيكر في مكان عام
لولوة:امل؟
امل:نعم ؟؟
لولوة :سمعتي صوت القطار واهوة يمشي وصكته في ويها وقفلت تلفونها واهني صار النداء عشان يركبون الطيارة وكان سيت الشاب ولولوة يم بعض
لولوة تقرا مجله سيدتي تبي تخفف من خوفها(تخاف من الطيارات) والشاب يسمع اغاني ومرة وحده صار في مطبات هوائيه ولولوة بدون ماتحس حطت يدها على يد الصبي الي يمها انصدم الصبي الي يمها بس عقب ماحست لولوة بسرعه شالت يدها .
ـــــــــــــــــــــــ

نرجع حق بيت بو محمد
ام محمد:والله بتوحشنا لولوة ..
ابو محمد:لاتخافين انا كلمت ابو مسفر وانشالله بيدير باله عليها .
دانه:زين يمه انا رايحه الجامعه تبغون شي؟؟؟؟
ام محمد:لاسلامتج حبيبتي الله معاج .

ــــــــــــــــــــ

وبعد مرور وقت وصلوا لولوة والشاب الفندق
الشاب دش غرفته اما لولوة قعدت تتمشى شوي
ومرة وحده مر واحد وسحب شنطتها وشرد والسكورتي الغبي مايسوي شي
لولوة:اهووووووووووه الحين شاسوي كل فلوسي في هالشنطه .اوف باروح حجرتي اجوف جم روبيه عندي في مخابي ثيابي وبصرفهم حق تلفون اقول حق خالتي تطرش لي فلوس .

في حجرة لولوةالحجرة عفسه ولولوة ماحصلت ولا فلس :
لولوة:بل شهل الحظ....يالله انا عبدك الضعيف وبغربه ساعدني يارب ساعدني .
طق طق طق (الباب)
لولوة:من ياي بعد هاي الوقت .
لولوة تفتح الباب :نعم ؟؟؟
الشاب الي كان معاها في الانتظار والطيارة((مهند)):هلا لولوة انا مشعل .
لولوة:هاااااا.....اخوي من وين عرفت اسمي؟؟؟
مشعل:من البنيه الي كلمتج اليوم .
لولوة بهمس:زين جذي املوه كل مين عرف اسمي .
مشعل:يصير نقعد مع بعض نسولف ؟؟
لولوة :يصير.
مشعل:على الباب ؟؟؟
لولوة :ماقدر اقولك تفضل عيب.
مشعل:بنقعد في مطعم الفندق شرايج؟؟؟
لولوة :لاماقدر ماعندي فلوس مساعه انبقت (انسرقت) والحين انا على الحديده .
مشعل:لا مو مشكله اعتبريني اخوج العود وقبلي عزومتي اليوم وكل يوم
لولوة:مشكور اخوي الصراحه ماعرف شكنت باسوي بدونك.
مشعل :ماعلينه يلا ...
ودخلوا البوفيه مال الغدا وخذو لهم الي يبونه وقعدو على الطاوله :
مشعل:لولوة ممكن نتعرف انتي من وين.... وين ساكنه نبذة بسيطه عنج ؟؟؟
لولوة:انا لولوة محمد ال..... ابوي وامي توفو في حادث سيارة قبل سنتين اعيش عند خالتي وانت؟؟؟
مشعل:انا مشعل علي ال........ عندي شركه في الكويت عايش بروحي امي توفت يوم تولدني وابوي مات عقب اسبوع من حسرته عليها.
لولوة:حرااااام 
لولوة تحط يدها على الطاوله واهيه تصيح.
مشعل:لو ادري انج جذي جان ماقلت لج .

ــــــــــــــــ

يــتــبــع حــتــى يــكــتــمــل الــجــزء الــثــانــي

انا تحمست شواستوي ع لولوة ومهند قصدي مشعل اكيد حبها

وامل بتتقبل ولا بتزعل اونها تغار ماتبا حد ياخذ منها لولوه ههههه

ياخي مستعيله ابا البقيه

يعطيك العافيه شفيط غرى

وسلمت يمناك انت والمؤلفه ماشاءلله عليها ابدعت ف المقدمه

وان شاءلله بنشوف ابداعها ف بقية القصه

ف انتظار الجزء الثاني :lol!:

هههه انا ماقريت القصه لا تسأليني هههههه ... ان شاء الله بتعيبكم البقية و الجزء الثاني يالسة تكتبة بنت خالووه ههه ... اول ما اتكمله بنزله لكم ان شاء الله ... تقبلي تحياتي فع فع الغالية :king:

الطيب وين الجزء الثاني :s17:

ياخي مافيني صبرر :s16:

ههه اتصلي ف بنت خالتي سأليها من يجهز بنزله لكم ان شاء الله

جم رقمها :s22:

لا خلاص اوك بتريا والله يصبرني a10

و هذا هو الجزء الثاني فع فوعه هه ... تحياتي

ــــــــــــــــــــــــــــــــــــ
وفي شركة بو محمد
بو محمد وهو يكلم السكرتيرة : سمعي نادين خذي هاي الاوراق وديها حق مدير المحاسبه يوقعها و جوفي جدولي اذا فيه اجتماعات او مقابلات الغيها
نادين : خير ..... استاذ حمد ..... فيك اشي ...... راح اطلب دكتور
بو محمد : لا بس سوي الي قلت لج عليله
نادين:تحت امرك ....وراحت (( وهيه طالعه بو محمد وقف كان يبي يروح من مكتبه لين طاوله الاجتماعات وطاح عليهم
نادين تركض له : استاذ ...استاذ ...ابو محمد رد علي شو صار لك ... ياربي شو بساوي ... استاذ .. استاذ ..هاي ما بيرد علي خليني اتصل بالاسعاف وبعدها اخبر ام محمد
ـــــــــــــــــــــــــــــــــــــــــــــ
وفي جامعه امل ودانه
امل : والله لها وحشه بنت خالتي
دانه : ايه اكيد ...... امل ما عرف ليش قلبي مقبوض من الصبح حاسه انه في مشكله بصير
وهني رن تلفون دانه والمتصل ام محمد
دانه : الو هلا يمه
ام محمد وهيه تصيح : دانه حبيبتي تعالي بسرعه المستشفى
دانه : ليش شصاير يمه ليش تصيحين
ام محمد : ابوج يا دانه طاح عليهم في الشركه وطلبو له الاسعاف ودخلوه العمليات
دانه: يمه انتي شنو تقولين ..... في اي مستشفى انتوا
ام محمد : في غيره مسشفى السلمانيه
دانه : زين زين يمه يلا سكري مسافه الطريج واكون عندكم
وتسكر من امها
دانه : يلا امل امشي معاي
امل : وين بنروح
دانه : بعدين بقول لج في السيارة
امل : ومحاضرتي الي عقب عشر دقايق
دانه : خلي المحاضرة تولي الي صاير اهم
امل : زين زين
ويروحون مع بعض
ــــــــــــــــــــــ

ونرجع لكندا كانو لولوة ومشعل يتمشون مع بعض في الحديقه العامه
مشعل : او نسيت اليوم رفيجي عازمني اتقدع ( اتقهوى ) عنده
لولوة : خلاص عيل وصلني الفندق وروح له
مشعل : ما اقدر اهدج بروحج اذا صار لج شي انا بكون مذنب الاني حالف انه انا ما اخلي احد يلمس شعره وحده منج
لولوة : لاما بصير فيني شي بقعد في حجرتي وما بطلع وما ببطل الباب حق احد لين ما ترجع
مشعل :لا يا لولوة واذا كسرو الباب
لولوة : لا تخاف الفندق امان في سكرتيه وموظفين
مشعل : اكا يوم انباقت ( انسرقت) شنطتج كان في سكيورتيه وموظفين احد منهم تحرك وسوا شي
لولوة : لا
مشعل : عيل خلاص سكتي وخلج معاي
لولوة : وما بتروح حق صديقك
مشعل : امبله وباوديج معاي
لولوة : لامشعل اول شي فشيله ثاني شي ما يصير اقعد في شقه كلها شباب وانا بنيه بروحي هناك
مشعل : اولا اهو عازمني انا بروحي ومحد غيري ضيف ثاني شي مو بس انتي البنيه هناك في امه واخته وخطيبته
لولوة : اوكي موافقه
مشعل : يلا عيل روحي بدلي ملابسج علا ما ادبر تكسي

نرجع البحرين
وفي المستشفى
ام محمد : يلا تحفظ لي ابو عيالي يلا تاخذ من عمري وتعطيه يلا هذا عين السيح او ولي نعمتنه يا الله احفظه وخل يومي قبل يومه
ريم :بس يمه مافيه الا العافيه كاهو محمد راح يجوف له حجرة والدكاترة شكثرهم معاه في الحجرة بيساعدونه وبيرجعون له عافيته
نادين : اي استاذه معا حق انتي لا تعبي حالك بعدين هاي ياثر على صحتك وراح يزعل ابو محمد وانتي ما بترضي على زعلو
وهني وصلوا دانه وامل
دانه : يمه شصار الابوي ... كان الصبح معانه ما فيه شي
امل : دانه بس سكتي جوفي حالتها مو وقته ... يمه شنو قالكم الدكتور
ام محمد : .............
ريم : للحين محد طلع وخبرنا
محمدرجع : ها طلع الدكتور
ريم : لا
محمد: نادين روحي الشركه والغي مواعيد ابوي لشهر ويبي لي الاوراق الي تحتاج توقيع وبنفسج جيكي على البضاعه اذا فيها خراب او شي ولا تنسين تعمين على موظفين زياده 20% على رواتبهم هل الشهر صدقه على راس ابوي واذا صار شي يديد اتصلي فيني
نادين : لاتحمل هم الشركه في عيوني بو محمد طول عمرو يساعنا انا وعيلتي ومو مخلينا محتاجين لشي خصوصا لما مات ابي من يومها وهو كافل اخواتي الصغار ولي راح ساوي جزء صغير من افضاله علينا
محمد : ما تقصرين
((تروح نادين ))
وهني يطلع الدكتور
ام محمد : هاه دكتور ريلي شفيه
دكتور : سلامته بس ياته جلطه خفيفه وراح يعيش على الاجهزة لاجل غير مسمى او يمكن يتم طول عمرة جذيه
ام محمد :دكتور انت شدقول يعني ريلي انتهى
دكتور : مو لها الدرجه راح يقدر يكلمكم ويعد معاكم لكن الاجهزه بتكون عليه الان جسمه ما راح يشتغل بطريقه طبيعيه من دونها
دانه : انزين نقدر نجوفه
الدكتور : حاليا مايصير الان قاعدين نركب عليه الاجهزة وعقب ربع ساعه تقدرون تجوفونه
محمد : شكرا دكتور
ريم : يمه امشي نقعد في الكفتيريا لين ما يكملون
ام محمد :لا انت رحو انا بنطره هني
دانه : ما يصير يمه جذي لا تصيرين عنيده ابوي بخير ...
محمد : انتي لازم من حبج وخوفج على ابوي تتصرفين بغباء واضراب عن الطعام وما تحرك من مكاني لاء تصلين ركعتين حق الله وتدعينه انه يعافيه اهوه الشافي المعافي
دانه : كلامه صح يمه ..يلا قومي معنا شربي كوفي هونيها وتهون
ريم : يلا يمه وكوفيج على حسابي
ام محمد : لا يمه مابي ابي بس ماي
امل : تحت امرك احنا يا الغاليه بس انتي تكرمي وتعالي معانا الكفتيريا
ــــــــــــــــــــــــــــــــــــــــــــــــ
نرجع كندا وفي التكسي
لولوة : مشعل اخاف يضايقون من زيارتي
مشعل : لا اهمه حبوبين وما راح يضايقون منج
لولوة: انزين بيتهم بعيد ؟
معشعل : لا عقب هل الاشارة نروح سيده وعقبها اول لفه يسار وتحصلين بيتهم اخر بيت في الفريج
لولوة: انزين عيب نروح يدنا خاليه خل نروح ذاك المحل الي هناك نشتري لهم سويت
مشعل : اوكي ..الحين بقول حق التكسي

نرجع البحرين (( بعد مرور ربع ساعه ))
الكل مع ابومحمد في الحجرة
ام محمد : سلامتك يا الغالي ما تجوف شر جان زين فيني ولا فيك
ابو محمد : حميده حبيبتي صبي لي ماي
ام محمد : من عيوني (تصب ماي وتشربه ) على مهلك بالعدال ( ولما خلص ) هني وعافيه انشاء الله
دانه : يمه دام اطمنه على ابوي انا رايحه الجامعه وراي امتحان اقدمه
امل : لحظه يايه معاج يمكن الدكتورة تقدر ظروفي وترد تشرح لي المحاضرة
دانه : يلا امشي
ام محمد : في حفظ الرحمن
محمد : يمه يلا قومي احنا بعد نروح خلي ابوي يرتاح وانتي بعد روحي نا مي وباجر من الصبح بايبج
ام محمد : لا انا بنام هني
ابو محمد : لا الغاليه روحي معاه انا بقول حق الممرضه تسبحني وتعشيني وعقبها بروح اتمشى في المستشفى شوي
ام محمد : انزين تحمل في روحك ولا تعب عمرك خل الممرضه تسوي كل شي من الالف لين الياء
ابو محمد : انشاء الله .... اوامرج
ريم : يلا يمه بسرعه ابي ادرس باجر وراي اختبار معلمه العلوم جلبه ما تاجل
ام محمد: عيب شنو جلبه ..هاي مدرستج .. من علمني حرفا كنت له عبدا
محمد: يلا يلا يمه .... كملي زفج في السيارة

يتبع..

ويــــــــن الجزء الثآلث :s15:

السلام عليكم اولا ... هههه فع فع بنت خالوه سارت بيتهم مادري متى بتيي عسب اخذ منها الجزء الثالث بس من اول ما احصله بنزله ان شاء الله